Joriy yilning 15-noyabridan 15-dekabriga qadar Jahon iqtisodiyoti va diplomatiya universitetining to‘rt nafar talabasi Lechche shahridagi (Italiya) Salento universitetida tahsil oldi.

Bir oylik talaba almashinuv dasturi JIDU va Italiyaning Salento universiteti o‘rtasida imzolangan Memorandum doirasida amalga oshirildi. Ushbu kelishuv JIDUning “Roman-German tillari” kafedrasi mudiri, professor Mamatqasimova Vasila, shuningdek, italyan tili o‘qituvchilari Madrahimova Muborak va Pardayeva Zarina hamda nemis tili o‘qituvchisi Asatova Gulbahorning 2024-yil yoz oyida Italiyaga rasmiy tashrifi chog‘ida imzolangan edi.

Almashuv doirasida JIDU talabalari nafaqat italyan tilini chuqur o‘rganish kursini o‘tash, balki boshqa fanlar bo‘yicha har kungi ma’ruzalarda qatnashish imkoniga ega bo‘ldi. Bundan tashqari, ular ushbu ta’lim muassasasi talabalari va o‘qituvchilari bilan faol muloqot qildilar, bu ularga nafaqat akademik bilimlarini chuqurlashtirish, balki madaniyatlararo aloqalarni o‘rnatish va do‘stona aloqalarni o‘rnatish imkonini berdi.

Almashinuv dasturi, shubhasiz, Jahon iqtisodiyoti va diplomatiya universiteti hamda Salento universiteti o‘rtasida uzoq muddatli hamkorlik munosabatlarini o‘rnatishda birinchi, ammo so‘nggi qadam emas. Kelgusida bu hamkorlik yanada rivojlanib, yangi imkoniyatlar ochishi kutilmoqda.