Karyera imkoniyatlari
Jahon iqtisodiyoti va diplomatiya universiteti Karyera markazi 2022-yil 30-avgustdagi 411-x sonli buyruq asosida oʻz faolitini olib boradi. (Avval “Amaliyot, ish oʻrganish va kasbiy oʻsishni monitoring qilish” boʻlimi boʻlgan.) Karyera markazining asosiy faoliyati universitet talabalarining bandligi (stajirovka), amaliyot jarayonlari, har oʻquv yilining bitiruvchilari ish bn bandligi monitoringi bilan shugʻullanadi. Universitet huquqiy, siyosiy-ijtimoiy va iqtisodiy yoʻnalishlarni qamrab olganligi uchun bitiruvchilar nafaqat sohalar boʻyicha koʻplab korxona-tashkilotlarda, balki nufuzli davlat idoralarida ham faoliyat yuritishiga juda keng imkoniyatlar yaratilgan. JIDU bitiruvchilari faoliyat yuritib kelayotgan tashkilot va idoralar:
- Oʻzbekiston Respublikasi Tashqi ishlar vazirligi;
- Oʻzbekiston Respublikasi Oliy Majlisining Senati;
- Oʻzbekiston Respublikasi Vazirlar Mahkamasi;
- Oʻzbekiston Respublikasi Savdo – sanoat palatasi;
- Oʻzbekiston Respublikasi Adliya vazirligi;
Vazirliklar va boshqa davlat idoralarini koʻplab sanab oʻtish mumkin. JIDU bitiruvchilarining faoliyat olib borishlari uchun juda keng imkoniyatlar mavjud. Hattoki, nodavlat tashkilotlardan ham muntazam ravishda bitiruvchi kurs talabalari va bitirib ketgan talabalar uchun vakant joylar haqida ma’lumot taqdim etiladi.
Har oʻquv yilida bitiruvchi kurs talabalari uchun Karyera kuni tashkillashtiriladi. Universitet bilan hamkorlik qilayotgan va memorandum tuzilgan tashkilotlardan vakillar qatnashgan holda tadbir uyushtiriladi, talabalar va bitiruvchilar ish bilan ta’minlanishi kafolatlanadi.
Karyera markazida talabalarning korxona va tashkilotlarda stajirovka oʻtashlari uchun ham imkoniyatlar yaratib beriladi.