Joriy yilning 17-20-dekabr kunlari oliy ta’lim muassasalari talabalari o‘rtasida “Zakovat” intellektual olimpiadasining Respublika bosqichi bo‘lib o‘tdi va unda Jahon iqtisodiyoti va diplomatiya universiteti jamoasi birinchi o‘rinni egalladi.

JIDU jamoasi “Zakovat” hamda “Breyn-ring” o‘yinlarida ishonchli tarzda faxrli 1-o‘rinni egalladi, shuningdek, umumjamoa hisobida ham yuqori reytingga sazovor bo‘ldi va 2 milliard so‘mlik Prezident sovg‘asini qo‘ga kiritdi.

Yurtimizning 50 nafar yetakchi oliy ta'lim muassasalari talabalar jamoalari ishtirokida tashkil etilgan “Zakovat” intellektual olimpiadasining respublika bosqichida “Zakovat”, “Breyn-ring”, “Erudit-kvartet”, “Shaxsiy oʻyin” bellashuvlari tashkil qilindi.

Tantanali taqdirlash marosimida Oliy taʼlim, fan va innovatsiyalar vaziri Qo‘ng‘irotboy Sharipov, oliy taʼlim muassasalari rahbariyati, professor-oʻqituvchilar, talabalar, ommaviy axborot vositalari hamda jamoatchilik vakillari ishtirok etdi.

G‘olib va ​​sovrindorlar Prezident sovg‘asidan tashqari stipendiyalar, xorijda amaliyot o‘tash hamda grantlar olish imkoniyatiga ega bo‘ldilar.

Mazkur tadbirni tashkil etishdan maqsad oliy ta’lim muassasalaridagi iqtidorli yoshlarning bilimi, eruditsiyasi, intellektual salohiyati va mantiqiy tafakkur saviyasini oshirishdan iborat.

Barcha g'oliblarni tabriklaymiz va ularga kelgusida katta muvaffaqiyatlar tilaymiz!