Joriy yilning 14 dekabr kuni Jahon iqtisodiyoti va diplomatiya universitetida “Learn English through Sport” nomli tadbir bo‘lib o‘tdi.

“Ingliz tili” kafedrasi tomonidan tashkil etilgan ushbu tadbirdan ko‘zlangan maqsad talabalarning ingliz tilini o‘rganishga bo‘lgan qiziqishini oshirish va shu bilan birga ularni jismoniy tarbiya bilan shug‘ullanishga undash edi.

Musobaqa doirasida 10 kishidan iborat to‘rtta birinchi kurs jamoasi turli sport mashqlarini bajarish bilan birga zalning qarama-qarshi tomoniga o‘rnatilgan doskaga ingliz tilida izohi berilgan sportga oid so‘zni yozishi kerak edi. Eng ko‘p tog‘ri so‘zlarni yozgan jamoa g‘olib deb e’lon qilindi.

“Learn English through Sport” tadbiri talabalar o‘rtasida jamoada ishlash ko‘nikmalarini rivojlantirish, ularning ingliz tilini o‘rganishga bo‘lgan qiziqishini oshirish va turli fakultet talabalari o‘rtasida do‘stona munosabatlar o‘rnatishga xizmat qildi.