Joriy yilning 12-dekabr kuni Jahon iqtisodiyoti va diplomatiya universitetida IT, biznes va ta’lim sohasida turli startap loyihalar muallifi L.Adxamov bilan uchrashuv bo‘lib o‘tdi.

TDIU bitiruvchisi, hozirda taniqli tadbirkor Xalqaro iqtisodiyot va menejment fakulteti 3-kurs talabalari uchun “Xalqaro menejment” (“Tizimli tahlil va matematik modellashtirish” kafedrasi) kursi doirasida “Laziz Adhamovning SAP O'zbekiston kompaniyasidagi tajribasi: savdo menejeridan mintaqaviy direktor lavozimigacha” mavzusida master-klass o‘tkazdi.

Uchrashuv interaktiv tartibda o‘tgan bo’lib, uchrashuv davomida tadbirkor SAP SE (dunyoda uchinchi yirik dasturiy ta’minot ishlab chiqaruvchisi nemis kompaniyasi) kompaniyasidagi amaliyoti, shuningdek, turli biznes va IT-loyihalar menejeri sifatidagi tajribasi bilan o‘rtoqlashdi. Ma’ruzachi biznes va ta’limning turli jabhalarini qamrab olgan, loyiha tashabbuskori, hammuassis yoki maslahatchi sifatida faoliyat yuritayotgan faoliyati haqida ham to’xtaldi.

Talabalar ta'lim darajasini oshirish va kelajak rejalarini rejalashtirish maqsadida ma’ruzachiga o'zlarini qiziqtirgan savollarini berish imkoniyatiga ega bo'ldilar.

Ma’lumot uchun. Laziz Adhamov, SAP O'zbekistonda 10 yillik faoliyat (savdo menejeridan mintaqaviy direktorlikgacha) ko’rsatgan, TOP-Contact, Dalatek (Agrotek startap), Linktrade (Linko startap), Accelerated Business Consulting (SAP hamkorlari va integratori), Zamonaviy Kommunikatsiyalar (dasturiy ta'minot ishlab chiqaruvchi kompaniya) hamda Bookcafe, Team University ta’sischilaridan biri.