Joriy yilning 29-oktabr kuni Jahon iqtisodiyoti va diplomatiya universitetiga Belgiyadan kelgan xalqaro kuzatuvchi, Diplomatic World jurnali bosh muharriri Barbara Ditrix tashrif buyurdi.

Tashrif davomida JIDU qoshidagi “Xalqaro munosabatlar: siyosat, iqtisod, huquq” ilmiy-nazariy jurnali bosh muharriri Ulug‘bek Xasanov bilan uchrashuv bo‘lib o‘tdi.

Tomonlar ikki nashr o‘rtasidagi hamkorlik imkoniyatlarini muhokama qildilar.

Uchrashuv yakunlari bo‘yicha tomonlar o‘zaro tashrif va muloqotlarni mustahkamlash, tajriba va fikr almashish, shuningdek, turli sohalardagi hamkorlikni rivojlantirish bo‘yicha qo‘shma rejalarni ishlab chiqishga qaratilgan Anglashuv Memorandumini imzoladilar.

Ma'lumot uchun. Diplomatic World - har chorakda chop etiladigan xalqaro jurnal bo'lib, u jahon siyosati, diplomatiya, biznes, moliya, san'at va madaniyatni birlashtiradi. U elchilar, davlat rahbarlari, Yevropa Ittifoqi institutlari vakillari va yetakchi transmilliy kompaniyalar rahbarlari, yetakchi tahlil markazlari va boshqalarni o‘z ichiga olgan nufuzli o‘quvchilar ommasiga tarqatiladi, bu keng va xilma-xil hamjamiyatga so‘nggi yangiliklar, diplomatik, xalqaro va Yevropa voqealari va tendentsiyalari haqida chuqur va innovatsion tushunchalar beradi.