Joriy yilning 23-dekabr kuni Jahon iqtisodiyoti va diplomatiya universitetida Yaponiyaning O‘zbekiston Respublikasidagi elchixonasining madaniy masalalar bo‘yicha uchinchi kotibi Hiroe Miyazaki bilan uchrashuv bo‘lib o‘tdi.

Unda “Xalqaro munosabatlar” va “Xalqaro iqtisodiy munosabatlar” fakultetlarining ikkinchi kurs talabalari ishtirok etdi.

Janob H. Miyazaki diplomatik xizmatning o‘ziga xos xususiyatlari bilan o‘rtoqlashdi va ushbu bo‘lim xodimlarining kasbiy fazilatlariga alohida e’tibor qaratdi. Yaponiyalik diplomat, shuningdek, diplomatiya sohasida muvaffaqiyatli martaba uchun asosiy omil sifatida chet tillarini yaxshi bilish muhimligini ta’kidladi.

Bundan tashqari, H. Miyazaki O‘zbekiston Respublikasi va Yaponiya o‘rtasidagi diplomatik munosabatlarning hozirgi darajasi va istiqbollari haqida gapirib, ikki mamlakat o‘rtasidagi hamkorlikni chuqurlashtirishda madaniy almashinuvning ahamiyatini ta‘kidladi.

Uchrashuv yakunida diplomat talabalarning ko‘plab savollariga javob berdi, bu esa muhokama qilingan mavzular bo‘yicha faol muhokama va fikr almashishga yordam berdi.