O‘zbekiston Respublikasi Vazirlar Mahkamasining “Iqtidorli o‘quvchilar o‘rtasida fan olimpiadalarini o‘tkazish tizimini takomillashtirish hamda xorijiy tillarni o‘qitish bo‘yicha eng yaxshi maktabni aniqlash tizimini joriy etish to‘g‘risida” qaroriga muvofiq  2024-yil 25-noyabr - 4-dekabr kunlari umumiy o‘rta ta’lim tashkilotlari, akademik litsey va kasb-hunar maktablari o‘quvchilari o‘rtasida  o`tkazilgan Asosiy olimpiadaning III (Toshkent shahar) bosqichida JIDU akademik litseyi o`quvchilari ham munosib ishtirok etishdi.

Akademik litsey o`quvchilaridan 6 nafari ushbu bosqichda faxrli o`rinlarni qo`lga kiritdilar, bularning 3 nafari IV (Respublika) bosqichida qatnashish huquqiga ega bo`ldilar.

Shu munosabat bilan 2024 yilning 13-dekabr kuni JIDU kinozalida fan olimpiadalari sovrindorlarini taqdirlash marosimi bo`lib o`tdi.

Tadbir davomida II-kurs AFR2-23 guruhi oʻquvchisi Rahimova Mohinur (ingliz tili, II-oʻrin) II-kurs AFR1-23 guruhi oʻquvchisi Zaripov Latif (nemis tili,  III-oʻrin), II-kurs IG1-23 guruhi oʻquvchisi Axmedjanov Iskandar (tarix, III-oʻrin),  I-kurs IG2-24 guruhi oʻquvchisi Zulxanov Asilbek (huquqshunoslik,  I-oʻrin), I-kurs IG1-24 guruhi oʻquvchisi Iskandarova Ruhshona (tarix, III-oʻrin), I-kurs IG1-24 guruhi oʻquvchisi Ergashev Firdavs (tarix, II-oʻrin) akademik litsey rahbariyati tomonidan faxriy yorliqlar bilan taqdirlandilar.