Joriy yilning 29-oktabr kuni Jahon iqtisodiyoti va diplomatiya universitetida O‘zbekiston Respublikasi Tashqi ishlar vazirligining yuqori malakali mutaxassisi A.Dusimovning “O‘zbekiston Respublikasidagi raqamlashtirish jarayoni” mavzusida mahorat darsi bo‘lib o‘tdi.

Mazkur uchrashuvda A.Dusimov mamlakatimizda raqamli transformatsiya sohasida amalga oshirilayotgan islohotlar, erishilgan yutuqlar va istiqboldagi rejalar haqida so‘z yuritdi. Talabalar zamonaviy raqamli texnologiyalarning davlat boshqaruvi tizimidagi o‘rni va ahamiyati bilan yaqindan tanishish imkoniyatiga ega bo‘ldilar.

Ochiq dars davomida nazariy bilimlar amaliy misollar bilan boyitildi, talabalar o‘zlarini qiziqtirgan savollarga professional javoblar oldilar.