Joriy yilning 17 noyabr kuni Jahon iqtisodiyoti va diplomatiya universiteti talabalari “Davlat xizmati” fanidan o‘tkazilgan sayyor ma’ruza doirasida Korrupsiyaga qarshi kurashish agentligiga tashrif buyurdilar.

Ma’ruza mazkur fan o‘qituvchisi, universitetning ilmiy va innovatsiyalar bo‘yicha prorektori Gulnoza Ismailova hamda Agentlik direktori o‘rinbosari Umida Tuxtasheva ko‘magida tashkil etildi.

Ma’ruzani Oksford universiteti bitiruvchisi, ayni paytda Agentlikda faoliyat yuritayotgan va korrupsiyaga qarshi tashabbuslarda faol ishtirok etayotgan Mushtariy Madraximova olib bordi.

Tadbir davomida ishtirokchilar korrupsiyaga qarshi kurashishning asosiy jihatlari bo‘yicha fikr almashdilar, jumladan:

 • korrupsiyaga murosasizlikni shakllantirish;

 • korrupsiya oldini olish bo‘yicha samarali choralar;

 • Agentlik hamkorlik qiladigan xalqaro tashkilotlarning roli;

 • tashkilotlarda Compliance tizimini joriy etish va uning shaffoflikni ta’minlashdagi ahamiyati.

Uchrashuvda talabalar nafaqat qimmatli bilimlarga ega bo‘ldilar, balki ma’ruzachilarga o‘zlarini qiziqtirgan savollarni berish imkoniyatiga ham ega bo‘ldilar.