Joriy yilning 15 oktabr kuni Jahon Iqtisodiyoti va Diplomatiya Universiteti (JIDU) vakillari "Yangi O'zbekiston" universitetida "Dunyoni sun'iy intellektga tayyorlash" mavzusida tashkil etilgan ma'ruzada ishtirok etishdi.

Ma'ruzani Massachusets texnologiya instituti (MIT) kansleri va vitse-prezidenti Erik Grimson olib bordi, u sun'iy intellekt va mashinani o'rganish bo'yicha tadqiqotlari bilan mashhur.

Ma'ruza davomida u ta'lim jarayonlarini modernizatsiya qilish va texnologiyalarni universitet boshqaruviga integratsiya qilish bo'yicha innovatsion g'oyalarni taqdim etdi.

Ta’kidlash joizki, tadbir ta'lim tizimini o'zgartirishga qiziqqan ta'lim muassasalari rahbarlari, professor-o'qituvchilari va mutaxassislariga qaratilgan.