Joriy yilning 2-may kuni Jahon iqtisodiyoti va diplomatiya universitetida Aleksandr Sergeyevich Pushkin tavalludining 225 yilligiga bag‘ishlangan adabiy bayram bo‘lib o‘tdi.

Mazkur tadbir talabalar, o‘qituvchilar va barcha rus adabiyoti ixlosmandlarini birlashtirdi.

Bayram dasturi doirasida talabalar tomonidan ulug‘ shoir hayoti va ijodiga bag‘ishlangan turli sahna ko‘rinishlari, uning asarlari asosida teatrlashtirilgan tomoshalar namoyish etildi. She’rlar va poemadan parchalar kuylandi, romanslar ijro etildi.

Aleksandr Pushkin asarlari bilan tanishish rus tilining boyligi va rang-barangligini yana bir bor namoyon etdi.