Joriy yilning 5-dekabr kuni Jahon iqtisodiyoti va diplomatiya universitetida biznes ta'lim va tadbirkorlikni rivojlantirish sohasidagi yirik loyihalar muallifi X. Abdurahmonov bilan uchrashuv bo‘lib o‘tdi.

JIDU bitiruvchisi va hozirda mashhur tadbirkor, «Xalqaro menejment» («Tizimli tahlil va matematik modellashtirish» kafedrasi) kursi doirasida Xalqaro iqtisodiyot va menejment fakulteti III kurs talabalari uchun «Xikmat Abdurahmonov biznesi misolida sherikchilik qurish» mavzusida master-klass o‘tkazdi.

Uchrashuv interaktiv tarzda o‘tdi, spiker o‘zining biznes va ta'lim sohasidagi tadbirkorlik ekotizimlarini rivojlantirishni o‘z ichiga olgan faoliyatini taqdim etdi, biznesdagi tajribasi bilan bo‘lishdi va turli loyihalar doirasida ta’sischi va menejer sifatida faoliyati tajribalari bilan o’rtoqlashdi.

Talabalar o‘zlarini qiziqtirgan savollarini berish imkoniga ega bo‘ldilar, bu esa ularning ta'lim darajasini oshirish va kelajakdagi rejalari ustida ishlashga yordam beradi.

X. Abdurahmonov JIDUda «Xalqaro iqtisodiyot» yo‘nalishi bo‘yicha bakalavriat va magistratura diplomlariga ega, shuningdek, Sent-Endryus universitetida xalqaro biznes bo‘yicha ikkinchi magistrlik darajasini olgan. U shuningdek, Skolkovo biznes maktabi sertifikatlangan mustaqil direktori va bitiruvchisi hisoblanadi. Uning tadbirkorlik loyihalaridan biri – HMPARTNERS, ushbu holdingga GroundZero kovorking markazlari va CLG Leasing hamda CLGAuto lizing kompaniyalari kiradi. Shuningdek, u TEAM University ta’sischilaridan biri, GEN Uzbekistan kompaniyasida mamlakatlar bo‘yicha direktor lavozimida faoliyat yuritadi.