Jahon iqtisodiyoti va diplomatiya universitetida talabalar “Ajibiz” LLC O‘zbekiston-Yaponiya kompaniyasi vakili, JIDUning sobiq bitiruvchisi Abror Madimarov bilan uchrashdi.

JIDU Karyera markazi tomonidan tashkil etilgan ushbu tadbirdan ko‘zlangan maqsad kompaniyaning stajirovka yo‘nalishidagi salohiyati va imkoniyatlarini tanishtirish hamda bitiruvchilarni kelajakda ishga joylashtirishga ko‘maklashishdan iborat.

Madimarovning taʼkidlashicha, Ajibiz oʻzining puxta va shaxsiylashtirilgan yondashuvi bilan ajralib turadi, xorijlik ish qidiruvchilarga ham, yapon ish beruvchilariga ham ekspert yordami va har tomonlama yordam koʻrsatadi. “Ajibiz” LLC ham kompaniyalar, ham ish izlovchilar uchun keng ko'lamli ishga yollash xizmatlarini taklif etadi.

“Bizning maqsadli tarmoqlarimiz xalqaro hamkorlik/savdo/biznes, IT, mehmonxona biznesi va boshqa bir qator sohalarda kadrlarni yollashga qaratilgan”, dedi kompaniya vakili.