Joriy yilning 6-noyabr kuni Jahon iqtisodiyoti va diplomatiya universitetida Yapon tili va madaniyati kuni bo‘lib o‘tdi va bu barcha ishtirokchilar uchun yorqin va unutilmas voqeaga aylandi. Ular orasida nafaqat JIDU vakillari, balki Toshkent davlat iqtisodiyot universiteti talabalari, shuningdek, Yaponiya xalqaro hamkorlik agentligi (JICA) xodimlari va volonterlar ham bor edi.

Tashkilotida JIDUda tahsil olayotgan Yaponiya universitetlari talabalari ham ishtirok etgan boy dastur bu xalqning an’analari, madaniyati va san’ati muhitiga sho‘ng‘ish imkonini berdi.

Quyosh chiqayotgan mamlakat tilini o‘rganayotgan talabalar an’anaviy yapon qalami va siyoh yordamida iyeroglif yozish bo‘yicha o‘z mahoratlarini namoyish etdilar, bu ularga nafaqat o‘z yutuqlarini ko‘rsatish, balki xattotlik haqidagi tushunchalarini ham chuqurlashtirish imkonini berdi. O'zini ushbu san'at turida sinab ko'rishga qaror qilgan har bir kishi ijodkorlik va mahorat ko'rsatdi. Eng yaxshilar munosib mukofotlarga sazovor bo'lishdi.

Tadbir davomida mehmonlar o‘ziga xos ta’mi va xushbo‘yligi bilan mashhur bo‘lgan an’anaviy yapon choyi, shuningdek, turli yapon taomlarini ta'tib ko‘rish imkoniyatiga ega bo‘ldilar.

JIDUda Yapon tili va madaniyati kuni O‘zbekiston va Yaponiya o‘rtasidagi madaniy aloqalarni mustahkamlash, o‘zaro hamjihatlik va har ikki davlat an’analariga hurmatni mustahkamlash yo‘lidagi muhim qadam bo‘ldi.