Joriy yilning 7-iyun kuni Jahon iqtisodiyoti va diplomatiya universitetida “Global jarayonlarning yangi voqeliklarida O‘zbekiston Respublikasining barqaror rivojlanishini ta’minlash” mavzusidagi xalqaro ilmiy-amaliy konferensiya bo‘lib o‘tdi.

Uning ishida JIDU vakillaridan tashqari, xorijiy va mahalliy oliy o‘quv yurtlari, ilmiy-tadqiqot muassasalari olimlari ishtirok etdi.

Anjumanda rivojlanayotgan global jarayonlar sharoitida barqaror rivojlanish bilan bog‘liq muammolar va imkoniyatlar muhokama qilindi.

Asosiy sessiyadan soʻng quyidagi mavzular boʻyicha 5 ta parallel sessiyalar boʻlib oʻtdi:

-         Iqtisodiyotni modernizatsiya qilish va raqamlashtirish sharoitida iqtisodiy o'sish va aholi farovonligini ta'minlashning institutsional, iqtisodiy va ijtimoiy vektorlari;

-         Samarali boshqaruv va barqaror rivojlanish strategiyalari;

-          Geoiqtisodiyotning parchalanishi: prognozlar va xavflar;

-         Yashil iqtisodiyotga o'tish: imkoniyatlar va muammolar;

-         Global muammolar kontekstida xalqaro hamkorlik.