Joriy yilning 21-sentabr kuni Jahon iqtisodiyoti va diplomatiya universiteti qoshidagi Yuridik klinikaning 2023-2024-o‘quv yili  mavsumining tantanali ochilish marosimi bo‘lib o‘tdi.

Mazkur tadbir doirasida Jahon  iqtisodiyoti  va  diplomatiya  universiteti  Ilmiy ishlar va innovatsiyalar bo‘yicha prorektori v.v.b. N.Nugmanov hamda Xalqaro huquq fakulteti dekani U.Yakubxodjayevlar so‘zga chiqdilar.

Yuridik klinika nufuzli muassasa bo‘lib, unda tajribali yuristlar va talabalar turli huquqiy masalalar bo‘yicha yuqori sifatli maslahat va yordam ko‘rsatish uchun o‘z  kuchlarini birlashtiradilar.  Ular moliyaviy ahvoli, ijtimoiy mavqei  va  kelib  chiqishidan qat’i  nazar, har bir insonning  yuridik yordam olish imkoniyatini ta’minlashga harakat qilishadi.