Sharifxoʻjayev Shavkat Oqilovich, iqtisod fanlari doktori, Jahon iqtisodiyoti va diplomatiya universiteti Xalqaro iqtisodiyot kafedrasi professori.
1976-yilda Toshkent xalq xoʻjaligi institutini bitirgan. 1977–1993-yillarda ilmiy tekshirish  institutlarida turli lavozimlarda, shu jumladan Oʻzbekiston Respublikasi Prezidenti huzuridagi Strategik va mintaqalararo tadqiqotlar institutida katta ilmiy xodim, boʻlim boshligʻi lavozimlarida ishlagan. 1983-yilda iqtisod fanlari nomzodi, 1994-yilda esa iqtisod fanlari doktori ilmiy darajasiga ega boʻldi. 
  1994-2015-yillarda Oʻzbekiston Respublikasi Tashqi ishlar vazirligi tizimida ishlagan. Shu davr ichida Oʻzbekistonning Indoneziya, Qozogʻiston va Afgʻonistondagi elchixonalarida birinchi kotib, maslahatchi lavozimlarida ishlagan. Ikkinchi darajali maslahatchi diplomatik martabasiga ega.
2016-yanvaridan Jahon iqtisodiyoti va diplomatiya universiteti “Xalqaro iqtisodiyot” kafedrasi mudiri boʻlib ishlagan, 2022-yil sentyabridan esa kafedra professori lavozimida ishlamoqda.