70420109 – Xalqaro biznes huquqi magistratura yoʻnalishi boʻlib, u ham anʼanaviy xalqaro biznes tarmoqlari, ham soʻnggi aktual yoʻnalishlarga asoslangan boʻlib, quyidagi kurslarni oʻz ichiga oladi:

• Xalqaro bank huquqi;
• Xalqaro soliq huquqi;
• Raqamli xalqaro iqtisodiyotni huquqiy tartibga solish;
• Yevropa korporativ huquqi va boshqalar.

Xalqaro biznesni huquqiy tartibga solish sohasidagi ushbu umumiy kasbiy va maxsus fanlar chuqur bilim, ko'nikma va malakalarni shakllantirishni talab qiladi.

Magistratura dasturining maqsadi:

• transchegaraviy iqtisodiy faoliyatni huquqiy tartibga solish sohasida yuqori darajadagi ma'lumotga ega bo'lgan professional kadrlar tayyorlash;
• transchegaraviy iqtisodiy faoliyatda rahbar kadrlar va mutaxassislar zaxirasini shakllantirish;
• transchegaraviy iqtisodiy faoliyatni huquqiy tartibga solish sohasida ilmiy va pedagogik kadrlar tayyorlashga ko‘maklashish.

O‘quv jarayonida fakultet talabalari O‘zbekiston Respublikasining xorijdagi vakolatxonalarida, davlat hokimiyatining turli tizimlarida (masalan, O‘zbekiston Respublikasi Oliy Majlisi, sudlar, Tashqi ishlar vazirligi , Investitsiyalar va tashqi iqtisodiy faoliyat vazirligi, prokuratura va adliya organlari), turli milliy (huquqiy tuzilmalar) va transmilliy xalqaro tashkilotlar (LUKOIL, PcW) xo'jalik yurituvchi subyektlarda, shuningdek vakolatxonalarda amaliyot o'tash imkoniyatiga ega.