Joriy yilning 22-fevral kuni Jahon iqtisodiyoti va diplomatiya universitetida “Diplomatik Synergy” klubi tomonidan “Birlashgan Millatlar Tashkilotining BRM 2030: barqaror rivojlanish va xalqaro hamkorlik” nomli forum bo‘lib o‘tdi.

Tadbirda JIDU professor-o‘qituvchilari va talabalari ishtirok etdi.

Tadbir global hamkorlikni mustahkamlash, dolzarb muammolarni muhokama qilish hamda ularning yechimlari bo‘yicha takliflar ishlab chiqishga qaratildi.

Forum doirasida BMT BRMning yettita asosiy yo‘nalishi bo‘yicha

BRM 1: Qashshoqlikka yo'l qo'ymaslik 

BRM 3: Sog'liq va farovonlik 

BRM 4: Sifatli ta'lim 

BRM 7: Arzon va toza energiya 

BRM 59: Sanoat, innovatsiya va infratuzilma 

BRM 13: Iqlimga qarshi kurash 

BRM16: Tinchlik, adolat va kuchli institutlar bo'yicha mazmunli ma’ruzalar taqdim etildi va muhokamalar o‘tkazildi. Ushbu yo‘nalishlarni maxsus tayinlangan "Elchilar" tahlil qildilar.

Ularning ish yakunlariga ko‘ra, ko‘rib chiqilgan barcha maqsadlar bo‘yicha asosiy xulosalar shakllantirildi va tasdiqlandi. Shuningdek, “Eng yaxshi missionerlik hujjati” va “Eng yaxshi elchilik pozitsiyasi” nominatsiyalari bo‘yicha g‘oliblar aniqlandi va ularga esdalik sovg‘alari topshirildi. Bundan tashqari, forumning barcha ishtirokchilariga maxsus sertifikatlar ham taqdim etildi.

Forum yakunida ishtirokchilar dolzarb muammolarni muhokama qildilar va "Barqaror rivojlanish maqsadlarining global nizomi"ni birgalikda qabul qildilar.

Mazkur forum yoshlarning global muammolarni tahlil qilish ko‘nikmalarini rivojlantirish, xalqaro hamkorlik va innovatsion yechimlarni ishlab chiqishda muhim platforma bo‘ldi.

“Barqaror rivojlanish uchun birlashgan” shiori ostida o‘tgan tadbir ishtirokchilarga global hamkorlikni mustahkamlash bo‘yicha fikr va tajriba almashish imkonini berdi.