Barqaror rivojlanish maqsadlarini amalga oshirish doirasida va talabalarning fuqarolik va iqtisodiy processual huquqi fani bo‘yicha bilimlarini oshirish maqsadida 2025-yil 25-mart kuni Jahon iqtisodiyoti va diplomatiya universitetida “Xalqaro huquq” fakultetining 3-bosqich talabalariga mahorat darsi o‘tkazildi.

Mahorat darsini Ekologiya, atrof-muhitni muhofaza qilish va iqlim o‘zgarishi vazirligining Yuridik ta’minlash va tartibga solish ta’sirini baholash boshqarmasi bosh mutaxassisi Dostonbek Yunusov olib bordi. Shuningdek, “Fuqarolik huquqi va xalqaro xususiy -huquq fanlari” kafedrasi professor-o‘qituvchilari ham ishtirok etdi.

D.Yunusov sud jarayonlarida yuridik ahamiyatga ega bo‘lgan faktlarni aniqlash to‘g‘risidagi ishlarni ko‘rish hususiyatlarini tushuntirib berdi. U sudda bu toifadagi ishlarni ko‘rishda qanday huquqiy me’yorlarga asoslanish lozimligini va bu jarayonda taraflar vakillarining va sudyaning roli qandayligini batafsil tushuntirdi. Shuningdek, sud jarayonida yuridik faktlarni aniqlashda yuzaga keladigan muammolar va ularni hal qilish yo‘llari haqida fikr almashdi.

Mahorat darsi davomida fuqarolik va iqtisodiy sudlarda yuridik ahamiyatga ega bo‘lgan faktlarni aniqlash tartibi, shu jumladan, ishda ishnirok etuvchi shaxslarning tarkibi, dalillarning baholanishi, hal qiluv qarorini qabul qilinisni haqida so‘zlab berdi. U sud amaliyotida yuzaga keladigan muhim holatlarni misollar bilan tushuntirib, talabalar bilan keng muhokama qilindi.

Shuningdek, rivojlangan davlatlarning yuridik faktlarni aniqlash to‘g‘risidagi ishlarni ko‘rish sud amaliyotlari ham keng yoritildi.

Muhokama qilingan mavzularga talabalar katta qiziqish bildirib, fuqarolik va iqtisodiy sudlarda yuridik ahamiyatga ega bo‘lgan faktlarni aniqlashda yuzaga keladigan turli holatlar va ularning huquqiy bahosi haqida savollar berib, mutaxassisdan batafsil javob olishdi.

Ushbu mahorat darsi “BRM”ning 16-maqsadi – “Barqaror rivojlanish maqsadlari yo‘lida tinchliksevar va ochiq jamiyatlar barpo etilishiga ko‘maklashish, barcha uchun odil sudlov imkoniyatidan foydalanishni ta’minlash va barcha darajalarda samarali, hisobdor va keng ishtirokka asoslangan muassasalarni tashkil etish”, xususan, 16.6-band – “Boshqaruvning barcha bosqichlarida davlat organlarining samaradorligi, hisobdorligi va shaffofligini oshirish” tamoyillariga mos keladi.

Bugungi mahorat darsi talabalarning fuqarolik va iqtisodiy sudlarda yuridik ahamiyatga ega bo‘lgan faktlarni aniqlash to’g’risidagi ishlarni ko’rish bo‘yicha bilim va ko`nikmalarini shakllantirishga va ularni kelajakdagi professional faoliyatlarida ishlata olishlariga zamin yaratadi.