“Germaniya-O‘zbekiston munosabatlari: Energiya va Barqarorlik” (GURES) – bu DAAD sertifikatli o‘quv dasturi bo‘lib, Jahon iqtisodiyoti va diplomatiya universiteti (JIDU) bilan Berlin erkin universiteti (FUB) o‘rtasida akademik almashuvni rivojlantirishga qaratilgan ijtimoiy fanlar sohasidagi dasturdir.

Dasturning davomiyligi bir akademik yilni tashkil etadi. GURES har yili kuzgi semestrda boshlanadi. Ta’lim tillari nemis va ingliz tillari bo‘lib, nemis tili asosiy til hisoblanadi. Barcha JIDU fakultetlarining ikkinchi va uchinchi kurs talabalari GURES dasturiga ariza yuborishga taklif etiladi. Dastur yakunida bitiruvchilar JIDU va Berlin erkin universitetining Sharqiy Yevropa Tadqiqotlari Instituti o‘rtasidagi yaqin hamkorlik asosida berilgan sertifikatga (jumladan kurslar va baholar jadvali ko‘rsatilgan holda,15 ECTS) ega bo‘ladilar.

Bir akademik yil davomida GURES quyidagi majburiy kurslarni o‘z ichiga oladi:

• Ikki seminar, blok holida o‘tiladi (2 seminar, har biri 8 kun)

• Bir muntazam seminar, har hafta bir marta o‘tiladi (1 seminar, bir semestr davomida)

• Ikki mashg‘ulot, har hafta bir marta o‘tiladi (har semestrda bittadan).

Dasturga qabul qilish uchun ariza beruvchilar quyidagi talablarga javob berishlari kerak:

• JIDUda o‘qish (bakalavr darajasi);

• Nemis va ingliz tillarida a’lo darajada bilish (85-100%);

• A’lo baholarga ega bo‘lish (85-100%);

• Yuqori motivatsiya darajasi.

Dars davomida rivojlanadigan boshqa kompetensiyalar Germaniyaning mintaqaviy tajribasini o‘rganish, nemis tilini puxta o‘zlashtirish, iqtisodiy va ijtimoiy fanlar metodlari va nazariyalarini mustahkamlash, madaniyatlararo kompetentsiyani rivojlantirishni o‘z ichiga oladi.

“Germaniya-O‘zbekistonga munosabatlar: Energiya va Barqarorlik” (GURES) dasturi Berlin erkin universitetining Sharqiy yevropa tadqiqotlari instituti va Jahon iqtisodiyoti va diplomatiya universiteti (JIDU) bilan hamkorlikda amalga oshiriladi.

Dasturga rahbarlikni, Berlin va Toshkentdagi GURES jamoasining yordami bilan, Professor Teoxaris Grigoriadis olib boradi,

Qabul qilish qarorini JIDU va FUBning koordinatori va/yoki professorlari boshchiligidagi qo‘shma komissiya qabul qiladi, bu qaror yozma ariza va UWEDda o‘tkaziladigan onlayn intervyu asosida qabul qilinadi. Komissiya kamida uch kishidan iborat bo‘lishi kerak. Har bir akademik yilda qabul qilinadigan talabalar soni 30 kishidan oshmasligi kerak.

Kurs

2025/26 akademik yilida dastur quyidagi o‘quv rejasi bo‘yicha davom etadi:

Tip	Tavsif	O‘qituvchi	Davomiyligi	Baholash
Seminar (A)	Siyosiy ekologiya va globalizatsiya	FUB	1-semester, 4 kun, kuniga 240 daqiqa	Taqdimot, imtihon
Mashg‘ulot (A)	Ekologik nazariyalar va ilmiy metodlar	FUB	1-semester, haftada bir marta, 90 daqiqa
Seminar (C)	Yevropa energetik bozorlari va Markaziy Osiyo	JIDU	2-semester, haftada bir marta, 90 daqiqa	Taqdimot
Seminar (B)	Energetik iqtisodiyot	FUB	2-semester, 4 kun, kuniga 240 daqiqa	Taqdimot, imtihon
Mashg‘ulot (B)	Energetik iqtisodiyot va Energetik siyosat	FUB	2-semester, haftada bir marta, 80 daqiqa

 

Aloqa uchun

international@uwed.uz

Ariza topshirish

“Germaniya-O‘zbekiston munosabatlari: Energiya va Barqarorlik” (GURES) akademik dasturiga ariza beruvchilar quyidagi talablarga javob berishlari kerak:

• JIDUda o‘qish (bakalavr darajasi);

• Nemis va ingliz tillarini a’lo darajada bilish (85-100%);

• A’lo baholar (85-100%);

• Yuqori motivatsiya darajasi.

Qabul JIDU va FUBning koordinatori va/yoki professorlari boshchiligidagi qo‘shma komissiya orqali amalga oshiriladi, bu qaror arizalar va JIDUda o‘tkaziladigan intervyu asosida qabul qilinadi.

Ariza berish tartibi

2025/2026 akademik yili uchun ariza berishning oxirgi muddati — 2025-yil 5-aprel, shanba.

Arizalar qabulidan so‘ng onlayn suhbat jarayoni JIDUda o‘tkaziladi.

Kerakli hujjatlar:

• Nemis tilida rezyume (CV) (1-2 sahifa),

• Nemis tilida motivatsion xat (1-2 sahifa),

• Nemis va ingliz tillaridagi bilim darajasini tasdiqlovchi hujjat,

• Transkript nusxasi.

Ariza topshirish uchun ro‘yxatdan o‘tish shaklini to‘ldiring https://forms.gle/16navRbG8ADb4SWy9.