JIDU va Senteo'dan mini MBA

Jahon iqtisodiyoti va diplomatiya universiteti quyidagi sohalarda bakalavriat ta’lim yo‘nalishlarini taklif etadi. “Xalqaro munosabatlar” “Siyosatshunoslik” “Xalqaro iqtisodiyot va menejment” “Xalqaro huquq” JIDUning bakalavriat dasturlari talabalarga globallashgan dunyoda muvaffaqiyatga erishish uchun zarur bo‘lgan bilim va ko‘nikmalarni berish uchun mo‘ljallangan. Dasturlar fakultetning tajribali professor-o‘qituvchilari jamoasi tomonidan o‘qitiladi, ularning aksariyati davlat va biznes sohasida yuqori lavozimlarni egallagan. JIDU talabalarga o‘z ta’lim sohasida amaliy tajriba orttirish uchun turli xil darsdan tashqari tadbirlar va imkoniyatlarni ham taklif etadi. JIDUdagi eng mashhur bakalavriat taʼlim yoʻnalishlaridan biri “Xalqaro iqtisodiyot va menejment” dasturidir. Ushbu dastur talabalarga iqtisod, xalqaro savdo va moliya bo‘yicha mustahkam poydevor beradi. Talabalar xalqaro biznesning siyosiy va huquqiy muhiti bilan ham tanishadilar. JIDUdagi yana bir mashhur bakalavriat dasturi “Xalqaro munosabatlar” dasturidir. Ushbu dastur talabalarga xalqaro munosabatlar, tashqi siyosat va diplomatiya haqida har tomonlama tushuncha beradi. Shuningdek, talabalar turli mamlakatlarning tarixi va madaniyati bilan tanishadilar. JIDU, shuningdek, siyosatshunoslik va huquqshunoslik bo‘yicha bakalavriat dasturlarini ham taklif etadi. Ushbu dasturlar talabalarni davlat, huquq, biznes va boshqa sohalarda martabaga tayyorlash uchun mo‘ljallangan. JIDUda bakalavr darajasini olishning ba’zi afzalliklari: Siz tanlagan sohada kuchli ilmiy asosga ega bo‘lish Turli xil madaniyatlar va istiqbollar bilan tanishish Dunyo bo‘ylab boshqa talabalar va mutaxassislar bilan aloqa o‘rnatish imkoniyati Amaliyot va boshqa darsdan tashqari tadbirlar orqali amaliy tajriba orttirish imkoniyati Mehnat bozorida raqobatdosh ustunlik Agar siz qiyin va foydali ta’lim tajribasini izlayotgan bo‘lsangiz, JIDU siz uchun eng ma’qul oliygoh. Jahon darajasidagi professor-o‘qituvchilari, zamonaviy jihozlari va turli xil talabalar tarkibiga ega JIDU o‘z talabalariga bugungi globallashgan dunyoda muvaffaqiyatga erishishlari uchun zarur bo‘lgan bilim va ko‘nikmalarni taqdim etishga intiladi.

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

25.04.2025

JIDUda global o‘zgarishlar sharoitida Yangi O‘zbekistonning iqtisodiy barqarorligini ta’minlash istiqbollariga bag‘ishlangan xalqaro konferensiya bo‘lib o‘tdi

2025-yil 24-aprel kuni Jahon iqtisodiyoti va diplomatiya universitetida “Global geoiqtisodiy jarayonlar transformatsiyasi sharoitida Yangi O‘zbekistonning iqtisodiy barqarorligini ta’minlashning asosiy yo‘nalishlari va istiqbollari” mavzusidagi xalqaro ilmiy-amaliy konferensiya bo‘lib o‘tdi. Konferensiya rivojlanayotgan global jarayonlar kontekstida Barqaror Rivojlanish Maqsadlari (BRM)ga erishishda milliy iqtisodiyotni transformatsiya qilishning konseptual asoslari, mintaqada mavjud muammolar va imkoniyatlarni hal qilishga qaratilgan dolzarb masalalarni o‘z ichiga oldi. Konferensiyada nufuzli xorijiy va mahalliy olimlardan akademik Gulyamov S., professor Gordana Pesakovic (AQSh), professor Raviprokash Dani (AQSH), professor Butikov I., doktor Orkhan Yolchuyev (Azarbayjon), professor Mavlanov I., i.f.n. Prеsniakova E. (Belarus), professor Sufyan A. (Pokiston), professor Islamov B., professor Talipova N., Mahsudov M. (Saudi Arabia), i.f.n. Toniyans G., i.f.n. Vohidova M., i.f.n. Kadirova Z., Gulnoza Quldosheva kabi iqtisodiyot, moliya, huquq, siyosatshunoslik va fanlararo amaliy tadqiqotlar doirasida o‘z tadqiqotlari bilan qatnashdilar. Shuningdek, O‘zbekiston Respublikasi Tashqi ishlar vazirligi, O‘zbekiston Respublikasi Investitsiyalar, sanoat va savdo vazirligi, O‘zbekiston Respublikasi Milliy statistika qo‘mitasi, Gidrometeorologiya ilmiy-tadqiqot instituti, Raqamli texnologiyalar vazirligi huzuridagi Raqamli iqtisodiyot tadqiqotlari markazidan vakillar va ekspertlar ishtirok etishdi. Tadbirda JIDU akademik ishlar bo‘yicha birinchi prorektor A.Umarov global geoiqtisodiy munosabatlarning mamlakatlar integratsiyalashuviga ta’siri yuzasida, hamda Ilmiy ishlar va innovatsiyalar bo‘yicha prorektor G.Ismailova milliy barqaror rivojlanish strategiyalari va ularning xalqaro munosabatlarni rivojlantirishda ahamiyati mavzularida fikr-mulohazalar yuritdilar. Tadbir JIDUning “Xalqaro iqtisodiyot” kafedrasi tomonidan tashkil etildi. Tadbir doirasida ma’ruzachilar geoiqtisodiy transformatsiya sharoitida barqaror rivojlanishni ta’minlash, zamonaviy xalqaro munosabatlar tendensiyalari, Yangi O‘zbekistonning jahon iqtisodiyotiga integratsiyalashuvi, yashil iqtisodiy o‘sishni rag‘batlantirish masalalari ko’tarildi. Konferensiyaning asosiy e’tibori quyidagi yo’nalishlarni qamram oldi: 1-bo‘lim. Global geoiqtisodiy o‘zgarishlar sharoitida Yangi O‘zbekistonning makroiqtisodiy barqarorligini mustahkamlash omillari va yo‘nalishlari; 2-bo‘lim. Raqamli transformatsiyaning barqaror rivojlanishga ta’siri: ijtimoiy, ekologik va texnologik jihatlari; 3-bo‘lim. Investitsion iqlimni takomillashtirish: institutsional islohotlar va barqaror iqtisodiy o‘sish mexanizmlari; 4-bo‘lim. Hududiy taraqqiyot va tarmoqlararo hamkorlik: iqtisodiy diversifikatsiya va barqaror rivojlanish strategiyalari; 5-bo‘lim. Xalqaro savdo va mintaqaviy hamkorlik: Yangi O‘zbekistonning geoiqtisodiy integratsiyasi istiqbollari.

208

25.04.2025

JIDUda “Turk tili bayrami” bo‘lib o‘tdi

Joriy yilning 24-aprel kuni Jahon iqtisodiyoti va diplomatiya universitetida “Roman-german tillari” kafedrasi tomonidan “Turk tili bayrami”ga bag‘ishlangan tadbir tashkil etildi. Tadbirda JIDU rahbariyati, Turkiya Jumhuriyatining O‘zbekistondagi Favqulodda va Muxtor elchisi Ufuk Ulutash, elchixona vakillari, general-mayor Semih Okyar, xalqaro hamkorlik va ilg‘or tajriba almashinuvi doirasida Turkiya Jumhuriyatining Burdur shahridagi Mexmet Akif Erso‘y universiteti Xorijiy tillar fakulteti dekani Prof. Dursun Köse, TİKAning O‘zbekistondagi vakolatxonasi rahbari o‘rinbosari Albina Tuzlu, Toshkent shahrida faoliyat olib borayotgan TRT kanalining vakili Nizam Şahın, “Toshkent Türk litseyi” o‘qituvchisi Musa Kaya shuningdek, keng jamoatchilik vakillari sifatida Toshkent shahar Mirzo Ulug‘bek tumani “Katta Qora Suv” MFY raisi Naima Jabbarova, Toshkent shahar Yashnobod tumani “Tuzel” MFY raisi Toshova Feruza, mahalla xotin-qizlar faoli Yuldasheva Adiba, universitet professor-o‘qituvchilari, talabalari va ota-onalar ishtirok etdilar. Tadbirni JIDU akademik ishlari bo‘yicha birinchi prorektor Akram Umarov ochib berdi. U o‘z nutqida bayramning mazmuni va mohiyatini tilga bo‘lgan hurmat bilan birga, tarix, madaniyat va umumiy qadriyatlarni namoyish etishiga alohida e’tibor qaratdi. “Bizning universitetimizda turk tilini o‘qitishga katta ahamiyat berilmoqda, va so‘nggi yillarda ushbu tilni o‘rganayotgan talabalar soni sezilarli darajada oshdi”, – dedi A. Umarov. Elchi Ufuk Ulutash o‘z nutqida O‘zbekiston va Turkiya har tomonlama aloqalarni, jumladan ta‘lim sohasidagi hamkorlikni yanada kengaytirish hamda Turkiyaning yetakchi universitetlari bilan hamkorlik munosabatlarni rivojlantirishga alohida e‘tibor qaratganligini ta‘kidladi. O‘zbekiston va Turkiya o‘rtasidagi samarali hamkorlik istiqboli va bu munosabatlarning muhim jihatlari haqida aytib o‘tdi. Tadbir dasturi yorqin va unutilmas taqdimotlar, taniqli turk shoirlari she‘rlaridan parchalar, milliy va zamonaviy raqslar, klassik va jo‘shqin zamonaviy qo‘shiqlar, qiziqarli sahna ko’rinishlariga boy bo‘ldi. Tadbir yakunda “Turk shirinliklari” nomli dasturxoni tashkillashtirildi. Tadbir yuqori saviyada va ko‘tarinki ruhda o‘tdi, bunday tadbirlar turk tili o‘rganayotgan talabalarni ruhlantiradi va davlatlararo munosabatlarni yaxshilashga xizmat qiladi.

131

24.04.2025

JIDU huzuridagi Diplomatik akademiya va MERI Group of Institutions o‘rtasida hamkorlik to'g'risidagi Memorandum va shartnoma imzolandi

Joriy yilning 23-aprel kuni Jahon iqtisodiyoti va diplomatiya universitetida O‘zbekiston Respublikasi Oliy Majlisi Senati Raisining birinchi o‘rinbosari, JIDU rektori Sodiq Safoyev bilan Hindistonning “MERI Group of Institutions” ta’lim guruhi vitse-prezidenti, professor Lalit Aggarval rahbarligidagi delegatsiya o‘rtasida uchrashuv bo‘lib o‘tdi. Tadbirda Hindistonning O‘zbekistondagi Favqulodda va muxtor elchisi Smita Pant ham ishtirok etdi. Tomonlar o‘zaro hamkorlik istiqbollarini, jumladan, xalqaro ta’lim standartlariga mos “Menejment” yo‘nalishi bo‘yicha magistratura dasturini JIDU huzuridagi Diplomatik akademiyasida joriy etish masalalarini muhokama qildi. Uchrashuv doirasida hamkorlik to‘g‘risidagi Memorandum va shartnoma imzolandi hamda yangi o‘quv yili uchun o‘quv rejasi tasdiqlandi. Ushbu kelishuv diplomatiya akademiyasi tinglovchilari uchun ta’lim sifatini oshirish, Hindistonning yetakchi ta’lim muassasalarining malakali mutaxassislarini jalb qilish, ilmiy bilimlar almashinuvi va MERI ta’lim resurslaridan foydalanish imkoniyatlarini ochib beradi. Tomonlar kelgusidagi sheriklikni mustahkamlash va o‘zaro manfaatli hamkorlikni yanada rivojlantirishga tayyor ekanliklarini ta’kidladilar.

202