Ta'limning yuqori sifati

Jahon iqtisodiyoti va diplomatiya universiteti quyidagi sohalarda bakalavriat ta’lim yo‘nalishlarini taklif etadi. “Xalqaro munosabatlar” “Siyosatshunoslik” “Xalqaro iqtisodiyot va menejment” “Xalqaro huquq” JIDUning bakalavriat dasturlari talabalarga globallashgan dunyoda muvaffaqiyatga erishish uchun zarur bo‘lgan bilim va ko‘nikmalarni berish uchun mo‘ljallangan. Dasturlar fakultetning tajribali professor-o‘qituvchilari jamoasi tomonidan o‘qitiladi, ularning aksariyati davlat va biznes sohasida yuqori lavozimlarni egallagan. JIDU talabalarga o‘z ta’lim sohasida amaliy tajriba orttirish uchun turli xil darsdan tashqari tadbirlar va imkoniyatlarni ham taklif etadi. JIDUdagi eng mashhur bakalavriat taʼlim yoʻnalishlaridan biri “Xalqaro iqtisodiyot va menejment” dasturidir. Ushbu dastur talabalarga iqtisod, xalqaro savdo va moliya bo‘yicha mustahkam poydevor beradi. Talabalar xalqaro biznesning siyosiy va huquqiy muhiti bilan ham tanishadilar. JIDUdagi yana bir mashhur bakalavriat dasturi “Xalqaro munosabatlar” dasturidir. Ushbu dastur talabalarga xalqaro munosabatlar, tashqi siyosat va diplomatiya haqida har tomonlama tushuncha beradi. Shuningdek, talabalar turli mamlakatlarning tarixi va madaniyati bilan tanishadilar. JIDU, shuningdek, siyosatshunoslik va huquqshunoslik bo‘yicha bakalavriat dasturlarini ham taklif etadi. Ushbu dasturlar talabalarni davlat, huquq, biznes va boshqa sohalarda martabaga tayyorlash uchun mo‘ljallangan. JIDUda bakalavr darajasini olishning ba’zi afzalliklari: Siz tanlagan sohada kuchli ilmiy asosga ega bo‘lish Turli xil madaniyatlar va istiqbollar bilan tanishish Dunyo bo‘ylab boshqa talabalar va mutaxassislar bilan aloqa o‘rnatish imkoniyati Amaliyot va boshqa darsdan tashqari tadbirlar orqali amaliy tajriba orttirish imkoniyati Mehnat bozorida raqobatdosh ustunlik Agar siz qiyin va foydali ta’lim tajribasini izlayotgan bo‘lsangiz, JIDU siz uchun eng ma’qul oliygoh. Jahon darajasidagi professor-o‘qituvchilari, zamonaviy jihozlari va turli xil talabalar tarkibiga ega JIDU o‘z talabalariga bugungi globallashgan dunyoda muvaffaqiyatga erishishlari uchun zarur bo‘lgan bilim va ko‘nikmalarni taqdim etishga intiladi. Bakalavr qabuliga 2025-2026 o‘quv yili ko‘zi ojiz abiturientlar uchun suhbat.

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

27.11.2025

JIDU vakillari Fransiyaning “Xalqaro birdamlik va ta'lim tashkiloti” tomonidan tashkil etilgan BRM doirasidagi tadbirlarda ishtirok etishmoqda

Joriy yilning 24-noyabr kuni, Roman-german tillari kafedrasi mudiri Vasila Mamatkasimova va fransuz tili oʻqituvchisi Gulasal Rofiyeva Fransiyaning A.S.I.E (Xalqaro birdamlik va ta'lim tashkiloti) tomonidan tashkil etilgan BRM doirasidagi tadbirlarda ishtirok etishmoqda. Tadbir davomida A.S.I.E va JIDU oʻrtasidagi hamkorlik shartnomasi imzolanib, ikki tomonlama aloqalarni yanada kengaytirishga kelishib olindi. Shuningdek, tashkilot a'zolariga BRM boʻyicha JIDU tomonidan olib borilayotgan faoliyatlar va universitet haqida taqdimot qilindi. Mazkur tashkilot bilan hamkorlikda fransuz tilini oʻrganayotgan talabalar uchun A.S.I.E tomonidan muntazam oʻtkaziladigam BRM boʻyicha faoliyatlarda qisqa muddatli amaliyot tashkil etish imkoniyatlari muhokama qilindi. Ma'lumki, joriy yilning iyun oyida JIDU 4-bosqich talabasi Dinara Ishbaeva mazkur tashkilot tomonidan taqdim etilgan Service civique (fuqarolik xizmati) tanlovida gʻolib boʻlgan edi. Ayni paytda D.Ishbaeva A.S.I.E tomonidan tashkil etilayotgan BRM tadbirlarida ekologiya, ochlikka barham berish va tengsizlikni kamaytirish boʻyicha koʻrgazmalar tayyorlamoqda. Tashrif davomida A.S.I.E ning barqaror rivojlanish maqsadlarini amalga oshirishda yoshlar faolligini ta'minlashga qaratilgan tajribalari oʻrganildi. Fransuz tilini oʻrganuvchi talabalar ishtirokida ekologiya, atrof-muhitni arash, isrofga yoʻl qoʻymaslik, chiqindini kamaytirish va tengsizlikni qisqartirish masalalarida amaliy seminarlar tashkil qilib borishga kelishib olindi.

26.11.2025

JIDUda “O‘rikguli” taxallusi bilan tanilgan eko-faol Mo‘tabar Xushvaqtovaning ishtirokida ekotrening o‘tkazildi

“Barqaror rivojlanish maqsadlari” haftaligi doirasida O‘zbekistonning yetakchi eko-faollaridan biri, “Urikguli” nomi bilan mashhur Mutabar Xushvaktova ishtirokida Jahon iqtisodiyoti va diplomatiya universitetida ekotrening bo‘lib o‘tdi. Tadbirda JIDU professor-o‘qituvchilari hamda talabalar faol qatnashib, mahalliy va global ekologik muammolar yuzasidan fikr almashdilar. Trening davomida Mutabar Xushvaktova ekologik amaliyotlar, mahalliy keyslar va ularning atrof-muhitga ta’siri bo‘yicha o‘z tajribasi bilan o‘rtoqlashdi. Uchrashuv jarayonida ishtirokchilar ekologik ongni shakllantirishda media savodxonlikning o‘rni, kundalik hayotda ekologik mas’uliyatni oshirish usullari kabi muhim mavzularda yangi bilim va ko‘nikmalarga ega bo‘ldilar. Tadbir yakunida talabalar o‘zlarini qiziqtirgan dolzarb ekologik masalalar bo‘yicha savollariga batafsil javob oldilar.

102

25.11.2025

JIDUda “Ma’rifat ulashib” loyihasi doirasida yozuvchilar hamda talaba-yoshlar o‘rtasida uchrashuv bo‘lib o‘tdi

Joriy yilning 24-noyabr kuni Jahon iqtisodiyoti va diplomatiya universitetida talabalarni kitob mutolaasiga jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga daxldorlik ruhida tarbiyalashga qaratilgan “Ma’rifat ulashib” loyihasi doirasida yozuvchilar hamda talaba-yoshlar o‘rtasida uchrashuv bo‘lib o‘tdi. Tadbirda O‘zbekiston yozuvchilar uyushmasi a’zolari Alisher Mirzo, Qutlibeka Rahimboyeva va Nurilla Choriyevlar hamda JIDU professor-o‘qituvchilari va talabalar ishtirok etishdi. Uchrashuv davomida adiblar zamonaviy dunyoda ijodkorlikning ahamiyati, ijodiy yo‘llari, qiyinchiliklari va ularni ilhomlantiradigan narsalar haqida suhbatlashdilar. Talabalar adabiy asarlar yozish jarayoni va ijodiy ko‘nikmalardan turli sohalarda, shu jumladan, diplomatiyada qanday foydalanish mumkinligi haqida ko‘proq ma’lumot olish imkoniyatiga ega bo‘ldilar. Bundan tashqari, uchrashuvda xalqaro hamkorlikning ahamiyati, diplomatik munosabatlarni shakllantirishda madaniyatning o‘rni va adabiyotning xalqlar o‘rtasidagi aloqa vositasi sifatida ahamiyati kabi mavzular muhokama qilindi. Tadbir so‘ngida yozuvchilar talabalarning ko‘plab savollariga javob berishdi.

163