Jahon iqtisodiyoti va diplomatiya universiteti (JIDU) taniqli mehmonlar, “Oxfounders Global” nomli notijorat tashkiloti asoschilari janob Lukas Jakobelli va Morgane Baskl xonimlarni qabul qildi. Ularning JIDUga tashrifi samarali munozaralar, chuqur fikr almashishlar va istiqbolli hamkorliklar bilan ajralib turuvchi muhim voqea bo‘ldi.

         Tashrif davomida janob Jakobelli va Baskl xonim JIDUning zamonaviy jihozlari va ajoyib akademik muhitini ko'rishga muvaffaq bo'ldilar. Ular universitetni sifatini yuqori baholadilar va JIDUni ilg‘or texnologiyalar va jihozlar bilan ta’minlangan respublikaning yetakchi ta’lim muassasasi sifatida e’tirof etdilar.

         Ularning tashrifining diqqatga sazovor nuqtalaridan biri JIDUning eng iqtidorli shaxslari bilan hamkorlikda tashkil etilgan “ochiq suhbat” konferensiyasi bo‘ldi. Ilmiy-innovatsion ishlar bo‘yicha prorektor Gulnoza Ismailova, “Besh tashabbus” markazi rahbari Shohida Yusupovna, “Start-ap” loyihasining asoschisi Beksulton To‘lanboyev startarapning ahamiyati, qolaversa, bugungi globallashgan dunyoda madaniyat va innovatsiyalarni yuksaltirish haqida o‘z fikr-mulohazalarini bildirdilar.

         Anjumanda iqtidorli talabalar, jumladan, Xalqaro iqtisodiyot va menejment fakulteti talabasi Behruzbek Zuhritdinov faol ishtirok etdi va chuqur munozaralarda qatnashib, tadbirkorlik borasida qimmatli ma’lumotlarga ega bo‘ldi.

         Tashrif, shuningdek, Jahon iqtisodiyoti va diplomatiya universiteti (JIDU) va Oxfounders Global Society o‘rtasidagi xalqaro hamkorlik imkoniyatlarini o‘rganish uchun platforma bo‘lib ham xizmat qildi. Professor-o‘qituvchilar va talabalar tashabbusi bilan amalga oshirilayotgan ilmiy faoliyat va innovatsion loyihalarni moliyalashtirish uchun xalqaro investorlarning jalb qilinishini osonlashtirishga qaratilgan o‘zaro kelishuvlar muhokama qilindi.

         Tashrif haqida fikr yuritar ekan, janob Yakobelli va Baskl xonim JIDU va Oxfounders Global Society o‘rtasidagi potentsial hamkorlik uchun o‘z ishtiyoqini bildirdi.