Gafurova Hakima filologiya fanlari bo‘yicha falsafa doktori, yapon filologi, O‘rta asrlar davridagi Yaponiya adabiyotiga ixtisoslashgan, yapon tilini o‘qitish va madaniyatlararo aloqa muammolari lingvokulturologiyasi bilan shug’ullanadi. 

O‘zbekiston-Yaponiya inson resurslarini rivojlantirish markazida, Toshkent davlat sharqshunoslik institutida Yaponiya adabiyoti va madaniyati bo‘yicha ma’ruzalar o‘qigan.

Bir necha bor grant sohibi bo‘lib, Yaponiyaning Japan Foundation jamg’armasi tomonidan stipendiya olgan va Vaseda universitetida (Yaponiya) ilmiy stajirovka o‘tgan.

Oxirgi 3 yil davomida O‘zbekistondagi yapon tili o‘qituvchilari assotsiatsiyasi raisi, yapon tilida notiqlik san’ati tanlovining raisi.

O‘zbek-yapon lug’ati hamda yapon tilida OAV matnlarini o‘qish va tushunish ko‘nikmalarini rivojlantirish bo‘yicha o‘quv qo‘llanma muallifi, lingvostranologiya bo‘yicha metodik tavsiyalar muallifi.

Yaponiya madaniyati va adabiyoti bo‘yicha ilmiy maqolalar hamda monografiyalar muallifi.