O`zbek tilida In English На русском


Xalqaro bo'lim

Universitet Xalqaro bo`limi JIDU tizimidagi o`ziga xos bo`limlardan biri hisoblanadi. Moddiy-texnik bazani rivojlantirish yo`li bilan o`quv tizimini takomillashtirish maqsadida xalqaro munosabatlarni o`rnatish va rivojlantirish xalqaro bo`limning asosiy faoliyati hisoblanadi.

Universitetda 3 mamlakatdan (Qozog`iston, Rossiya, Kanada) 6 nafar xorijlik talabalar ta`lim olmoqdalar. Ularning orasida Silkrout dasturi bo`yicha Lillian Ferrari (Boloniya universiteti, Italiya) tahsil oladi. “Yaponiyaning Markaziy Osiyo davlatlari bilan suv masalasidagi hamkorligi – O`zbekiston misolida” nomli mavzuda Sayto Ryota (Tsukubi universiteti, Yaponiya)ning tadqiqotlarini alohida ta`kidlab o`tish lozim.

Sharq tillari kafedrasida quyidagi ko`ngillilar ishlaydi:

  1. Teramoto Mayuko – yapon tili bo`yich JICA ko`ngillisi
  2. Kim Mi Re – informatika bo`yicha KOICA ko`ngillisi
  3. Wang Jingrong – xitoy tili bo`yicha XXR elchixonasi ko`ngillisi
  4. Lugli Ubaldo – italyan tili bo`yicha Italiya elchixonasi ko`ngillisi

Shu bilan birga, may oyi bo`yicha tashqi savdo va bank ishi bo`yicha JICA ko`ngillisi tashrif  buyurishi kutilmoqda.

Xorijiy ta`lim muassasalari bilan hamkorlik

1992-yildan hozirgi vaqtga qadar universitet bilan dunyoning 25 davlatidagi 50 dan ziyod oliy ta`lim muassasalari bilan 60 dan ziyod xalqaro normativ-huquqiy hujjatlar imzolangan. Hozirgi vaqtga kelib JIDU hamkorlikka oid 47 ta memorandumga ega. Ularning orasida bir nechta xalqaro tashkilotlar (UNESCO, UNDP, KOICA) va “Зарубежнефтегаз”, (OAO “Гаспром”, Rossiya), POSCO Engineering Construction Co. Ltd (Janubiy Korea) kabi bir nechta xorijiy kompaniyalar ham bor.

Yevropa va Osiyoning mashhur oliy ta`lim muassalaridan tashqari universitet hamkorlari orasida La-Plata (Argentina) universitetining xalqaro munosabatlar institutini alohida ta`kidlab o`tish lozim. Bu universitet bilan Hamkorlik to`g`risidagi shartnoma 2014-yil 18-dekabrda imzolangan. Hozirgi vaqtda Hokkaydo universiteti, Kukmin universiteti kabi oliy ta`lim muassalari bilan hamkorlik masalalari ko`rib chiqilmoqda.

Toshkentdagi xorijiy elchixonalar va boshqa xalqaro tashkilotlar bilan hamkorik

Universitetda diplomatik missiya va xalqaro tashkilotlar a`zolari ishtirokida turli xil ma`ruza va chiqishlar, konferensiya va doira stollarini tashkillashtirish odat tusiga kirgan.Universitetda Toshkentda akkreditatsiya qilingan Dipkorpusning ko`magida har yili har xil madaniy tadbirlar (Xorijiy tillar kuni, Xorijiy madaniyat  kuni, Xorijiy qo`shiqchilar konsertlari) muntazam o`tkazib turiladi.

Ilmiy-tadqiqot muassasalari bilan hamkorlik

Universitetning professor-o`qituvchilar tarkibi doimiy ravishda turli xil treninglar, seminarlar, xorijiy ilmiy-ma`rifiy) va ijtimoiy-gumanitar muassasalarining (ITEC, Mashav, DAAD, MTCP v.h.) kurslarida ishtirok etish orqali o`z malakalarini oshirishadi.

Universitetning xalqaro ilmiy-ma`rifiy loyihalarida doimiy ishtiroki ta`minlangan (Tempus, Erasmus Mundus, Jan Mone, JDS, KOICA va UNDP loyihalari).

O`zbekiston Respublikasi Tashqi ishlar vaziri – Kamilov Abdulaziz Hafizovich 1998- yildan 2003 yilgacha JIDU Rektori vazifasini bajargan.

Ishchi-xodimlar ro`yxati

Bo`lim boshlig`i – Radjabov Bekzod Zokirjon o`g`li

Metodist – Abdullayeva Madina Abdilbori qizi


« Ortga qaytish


JIDU e`lonlar
  1. Talabalar hayoti
  2. Bo`sh ish o`rinlari
  3. Hamma e`lonlar