JIDU ARMJIDU kutubxonasi 1992-yilda tashkil topgan.

Kutubxona fondida 214 671 dan ziyod kitoblar mavjud.

Dastlab,kutubxona fondida faqat o`zbek va rus tillaridagi kitoblar mavjud bo`lgan.

Keyinchalik esa kutubxona fondi yana ko’plab boshqa tildagi kitoblarga ham ega bo`lgan.

Qisqa vaqt ichida kutubxona zahirasi iqtisodiyot, iqtisodiyot nazariyasi, menejment, marketing, xalqaro tashkilotlar, buxgalteriya, statistika, huquq va siyosatshunoslik fanlariga doir adabiyotlar bilan boyitildi.

Shu bilan birgalikda kutubxonada multimedia fondi tashkil etilgan bo`lib, u audio-video kassetalar, CD-ROM formatidagi manbaalarni o`z ichiga oladi.

Kutubxona fondining tashkil etilishida O`zbekistonning xorijiy mamlakatlardagi vakolatxonasi, shuningdek Buyuk Britaniya, Fransiya,Yaponiya, Hindiston va yana bir necha xorijiy mamlakatlarning elchixonalari katta hissa qo`shganlar.

Jumladan Olmon  adabiyotlari fondinig asosiy qismini  Germaniya elchixonasi, Xalqaro Kitob Fondi, Konrad Adenaurning fondi hamda Universitetning professor o`qituvchilari bilan birgalikda tashkil etilgan.

Buyuk Britaniya va AQSH mamlakatlarining elchixonalari, hamda SABRE, PERDCA, WORLD BANK kabi bir qator xayriya fondlari tomonidan ingliz tilidagi adabiyotlar kutubxona fondiga taqdim etilgan.

1995-yilda esa Universitet kutubxonasi fondiga Buyuk Britaniyalik ilmiy tadqiqotchi Anna Shixning arxivi taqdim etildi. Olima Markaziy Osiyo xalqlari madaniyati, tarixi, etnografiyasi haqidagi bir qator maqola va adabiyotlar muallifi.

Bundan tashqari kutubxona fondida “Britanica” nomli “Worldbook” ham mavjud, unda 1998-yilga qadar sodir bo`lgan muhim hodisa lar to`liq yoritib berilgan.

Keyinchalik kutubxona fondi fransuz, yapon, koreys, italyan va ispan tillaridagi adabiyotlar bilan boyitib berildi.

Fondning asosiy qismini xorijiy tildagi adabiyotlar tashkil etadi.

Axborot-resurs markaziBundan tashqari mumtoz adabiyotimizning yorqin namoyondalaridan namoyondalaridan Alisher Navoiy,Al-Farg`oniy, Al-Buxoriy, Al-Forobiy, Abu Ali Ibn Sino, Beruniy singari ulamo va faylasuflarning falsafiy fikr va asarlariga  doir adabiyotlar ham mavjud.

Adabiyotlarning asosiy qismini lotin alifbosidagi kitoblar tashkil etadi.

Kutubxona mahalliy va xorijiy mamlakatlarning ko’plab davriy manbaalariga ega bo`lishi bilan bir qatorda, OECD-iLibrary, Cabridge University Press, Polpred.com, EBSCO Publications kabi elektron resurslariga bog`lana oladi.

Kitobxonlar kutubxonada o`zlari uchun kerakli bo’lgan manbaa va kitoblardan foydalanish huquqiga egadirlar.

Kutubxona xodimlari esa bunda ularga kerakli ma`lumootlarni beradilar. Bundan tashqari esa xodimlar kitobxonlarga kitoblarn topshirish va qabul qilish kabi vazifalarni ham bajaradilar.

2007-yilning sentabr oyida kutubxona qayta jixozlandi,keyinchalik unga Axborot-Resurs Markazi nomi berildi.

Axborot-Resurs Markazi 70 ta zamonaviy kompyuterlar bilan jixozlangan.

ARM dan foydalanuvchilar uchun 3 ta bo’lim mavjud, bular:

  1. Abonement bo`limi. Bu yerda kitobxonlar ma`lum muddatga kitob olishlari mumkin. Kitoblar avtomatlashtirilgan tarzda topshiriladi.Barcha foydalanuvchilar haqidagi ma`lumotlar bazaga kiritilgan bo`lib, ularning har biri o`z beydjiklariga egadirlar.
  2. Multimedia zali. Bu yerda abonementlar elektron resurslardan foydalanishlari mumkin. Zalda skaner va printerlar ham mavjud. Bundan tashqari ko`plab audio, video, CD DVD formatidagi manbaalar majmui mavjud.
  3. O`quv zali. Bu yerdan kitobxonlar soat 9-00 dan 20-00 ga qadar foydalanish imkoniyatiga egadirlar. O`quv zalida ilmiy muhokama va ma`ruzalar xonasi ham mavjud. Shuningdek zalda internet tarmog`idan foydalanish imkonini beruvchi Wi-Fi tizimi ham mavjud.

ARM ning ma`lumotlari JIDU ning barcha hududida mavjud (Intranet).

ARM da Libeka tizimi joriy etilgan bo`lib, tizimda elektron katalog bilan ishlash va kitoblarni topshirish imkoniyatlari mavjud. Tizimning afzal taraflaridan yana biri shundaki, foydalanuvchilar  o`zlari uchun kerakli bo`lgan adabiyotlarni qidirish, buyurtma berish, kutubxonadan qanday kitoblarni olganliklari haqida o`z shaxsiy kabinetlarida tekshirish imkoniyatiga ham egadirlar.

ARM dagi barcha resurslar (darslik, maqola, davriy manbaalar, elektron shaklidagi adabiyotlar) electron katalogga kiritilgan bo`lib, ularni ochiq axborot tarzida ko`rish mumkin.

ARM dagi mavjud bo`lgan elektron resurslar majmui darslik va qo`shimcha o`quv adabiyotlari, badiiy adabiyotlar, shuningdek JIDU o`qituvchilarining ma`ruzalaridan iborat.

ARM hodimlari kitobxonlarning o`zlari uchun kerakli bo`lgan ma`lumotlarni qidirishlarining samarasini oshirish maqsadida doimiy ravishda trening va maslahatlar berib boradilar.

Bundan tashqari ARM da kitobxonlarning savodxonligini oshirish maqsadida muntazam ravishda esdalik ko`rgazmalari tashkil etilib boriladi.

Har o`quv yilining boshlanishida 1-bosqich talabalari uchun ARM dan foydalanish va qoidalari haqida taqdimotlar o`tkazib boriladi.