17.11.2017 / 09:45 / 257

Qishki amaliyot dasturi
Xalqaro kompleks tadqiqotlar markazi
Jahon iqtisodiyoti va diplomatiya universiteti

Jahon iqtisodiyoti va diplomatiya universiteti Xalqaro kompleks tadqiqotlar markazi axborot va ma’lumotlar yig‘ish, tahlil etish va ma’muriy ish yuritishda amaliy ko‘mak berish niyatidagilarni to‘liq bo‘lmagan ish kuni asosida qishki amaliyotga taklif etadi. Ushbu markaz zamonaviy xalqaro munosabatlar, ichki, tashqi va instutsional omillarning ahamiyati, mintaqaviy va global jarayonlarning rivojlanish xususiyatlarini tahlil qilish va tizimli tadqiq etish maqsadida tashkil etilgan.

Amаliyot o‘tovchining vazifalari:

  • Ma’lumotlarni yig’ish va tahlil qilishda ko‘maklashish;
  • Elektron hujjatlarni fayllarga tizimli joylashtirish;
  • Ma’lumot va xatlarni tayyorlashda yordam berish;
  • Hujjatlarni tarjima qilish va nashrga tayyorlash;
  • Ilmiy konferensiyalarni tashkil etishda ko‘maklashish.

Ilmiy-tadqiqot loyihalari:

Amaliyotchi turli mavzudagi tadqiqot guruhlarida faoliyat olib boradi va malakali tadqiqotchilar bilan birgalikda asosan masofadan va markazda doimiy ravishdagi uchrashuvlar orqali faoliyat olib borish imkoniyatiga ega bo‘ladi.

Tanlov shartlari va muddati:

JIDUning bakalavr va magistr talabasi bo‘lishi, ilmiy tadiqiqot faoliyatiga qiziquvchilar ariza topshirishlari mumkin. Shahsiy kompyuteri va Internet tarmog’idan foydalanuvchi talabalarning ariza topshirishlari alohida qo’llab quvvatlanadi. Amaliyot uch oy atrofida davom etadi. Amaliyot qisqacha yozma hisobot xamda og’zaki taqdimot qilish bilan yakunlanadi.

Stipendiya va imtiyozlar:

Ushbu amaliyot uchun stipendiya to‘lanmaydi, amaliyotchilar barcha ilmiy konferesiylarda ishtirok etish imkoniytiga ega bo‘ladi. Amaliyotchilarda ilmiy tadqiqot sohasida faoliyat yuritish bo‘yicha tajriba va malakaga ega bo‘lish imkoniyati paydo bo‘ladi.

Arizalar qanday topshiriladi:

Joriy, 2017 yilning 24 noyabriga qadar shaxsiy ma’lumotnoma (CV) hamda nima sababdan ushbu amaliyotni o‘tmoqchiligingiz to‘g‘risidagi xatni (300 so‘zgacha) a.abdullayev@uwed.uz elektron manziliga yuboring. Arizalar markaz rahbariyati bilan hamkorlikda ko‘rib chiqiladi. Yakuniy xulosalar og’zaki suhbatdan so‘ng e’lon qilinadi.